Viele Merz-Verse haben die Schnitzelbank-Cliquen für die Basler Fasnacht 2010 gedichtet, nicht zuletzt natürlich auch wegen der glücklosen Libyen-Reise:

In Padagonie am Arsch vo dr Wält,

Stoht einsam im e glaine Zält,

Dr allerletschti, ainzig Disch,

Wo dr Merz noonig driber zooge worde-n-isch.

(Glettyse)

***

Dr Bundesroot Merz, unseri Wundergugge,

Het sit Libye vom Bugge e buggelige Rugge,

D Schweschter Erika meint, die gueti Seel,

So Buggel hänn sunsch nur Kamel.

(Doggter FMH)

***

S Rosi Merz het uns

Ganz im Vertraue wisse loo,

S Debaggel mit em Ruedi z Libye

Haig sii jo gsee koo:

Wenn ych en in e Migros schigg,

zem Boschte ganz elai, denn kunnt är als mit gar nyt

oder mit em lätze hai.

(d Syydiaane)

***

Wo der Merz zem al-Gaddafi sait:

Muammar, es duet mer laid.

Do dängg i mir, me sott dä Maa, nomool ins Spittel schigge

Dr Bumpi gots zwoor wider guet, doch s gäb no anders z fligge.

(Peperoni)

***

Am Morge frie, no unrasiert,

e grosse Schrägg, was isch bassiert?

Isch my Spiegel äggscht kaputt?

oder bini äggscht ämänt scho futt?

Dr Merz gratzt hinder baiden Oore,

Jäsoo, ych ha jo my Gsicht verloore.

(Dr Waggis)

***

D U-17 isch das Team der Stunde

Dr Alex Frei der Mann der Runde,

dr Cuche dr beschti Schwyzer Sportler, trotz des lichten Haares

und dr Merz Hansrudolf, trotz mee Hoor, der Tor des Jahres.

(Stächpalme)

***

Bim Polanski trifft e Schribe y, vom Hans-Rudolf Merz,

kai Angscht, ich setz mi yy fir Si, das liigt mir sehr am Herz,

um Himmelswille, mach kai Saich, schribt är ihm zrgugg im ghaime,

sig so guet und halt di duss, sunscht kum ich niemeh heime.

(d Joggeli)

Merz ist allerdings nicht der einzige Bundesrat, der dieses Jahr zum Sujet wurde. Auch Bundesrat Ueli Maurers Probleme mit der Finanzierung der besten Armee der Welt wurden vielfach kommentiert.

Typisch für Basler Schnitzelbänke ist die Verbindung zweier Themen:

Zweenig Flugi, zweenig Lyt und zweenig Gäld,

Jä, und das sell die bescht Armee syy vo dr Wält.

No halb so gross und halb so wichtig, wemme dänggt,

Do hätt e halbe Bundesroot waiss Gott au glänggt.

(Singvogel)

***

Uf em Schuelraisli ins Appezäll

Wird s Doris rot und sait denn schnäll,

Wo sie blutti Wanderer seht: Ueli, loss das blyybe,

Au die bescht Armee vo dääre Wält kas Spaare ibertryybe.

(Peperoni)

**

Könne mir uns iberhaupt,

die neue Kampfjet laischte,

E günschtigi Lösig wär do besser

Dängge sich die maischte.

Drum schwäbt uns als Löösig vor,

vom Bryys här wär si fair,

Mir mache doch mit Österrych zämme

E Kampfjet-Mobility-Air.

(Doole Suuger)

Ein gefundenes Fressen für die Basler Värslidichter ist die Attacke auf den italienischen Ministerpräsidenten Silvio Berlusconi.

Der eitle Italiener wird kräftig durch den Gaggo gezogen.

Bi uns do leert me as me d Kirche soll im Dorf loo,

Nur dien däm laider hitte nimme alli noo koo.

Au in Italie isch das anderscht, sage d Bricht,

Deert griegt dr Berlusconi d Kirche zmitts ins Gsicht.(Gasladärne)

***

Minarett mache Angscht und Bang

E Zaiche vo Macht und Herrscherdrang

Aber au unseri Kirche isch nid ganz oni,

Wärs nit glaubt, frogt dr Berlusconi.

(Die Haiggle)

***

Är liegt und bschisst, wos au immer grad goot,

Besticht und hett au no zer Mafia e Droot,

Vergniegt sich mit Daame, vyyl z jung, oobe ooni,

Vyyle passt är drum nit, dr Berlusconi

Denn schloot ä Miniatur-Dom ihn k.o.

Gott sei Dangg, uff d Kirche kasch di verloo.

(die Unerheerte)

Die Schweinegrippe, wie früher schon die Vogelgrippe, löst bei den Schnitzelbänklern allerhand Phantasien aus.

Si hueschte, niese, schnupfe sich und hänn e miede Schtai,

Mit hänn denn gfrogt, was mache dir do, worum sinn dir nit dehei,

Das wänn mir nit, hänn die uns gsait, denn si sinn gimpft, hurra,

Doch leider sinn si gege d Vogelgrippe gimpft, die hänn sie no vo

letscht Joor kaa.

(Die Polyvalänte)

***

Do sait ai Sau zur andere: Mensch, han ich hüt kalt,

y schlottere, y fühl my myys, derzue saumässig alt.

My Ringelschwänzli isch ganz schlaff, ha gruusig gschwullni Lippe,.

Do sait die andere: Hesch du Schwein, hesch numme d Menschegrippe.

(Die Blauäugige)

***

In jedem guete Job verglemmi

Hänn mer hit e Schwoobeschwemmi

Liberaal wird hochdytsch gewätzt, do froogscht di: Mues das syy?

Scho schaad dass es kei Impfig git, gege soone Pandemie.

(Peperoni)

Das Minarett-Verbot wird vielfältig abgehandelt. Wohl weil sich Minarett auf Bett reimt, gibt es allerdings bedeutend mehr schlüpfrige als politische Verse. Hier zwei völlig unterschiedliche Beispiele:

Ich bi die liebi Mina, und waiss was my Maa het,

denn my Maa findets prima, ass är sy Mina hett.

Doch miechti d Nina nina, mit mym Maa im Bett,

denn wüsst ich nit, wie my Maa sich vor dr Mina rett.

(Die Blauäugige)

***

Schaut euch mal die Jungs da an,

Das ist ein Schnitzelbank.

Bilder haben sie auch dabei,

bunte, Gott sei dank.

Wenn als Bangg duur dBaize ziesch

Frogsch di naimeduure,

Minarett gits kaini

Aber d Schwoobe leen mer schnuure.

(d Syydiaane)

In der Kategorie Sport schafften es Tennisstar Roger Federer, der Golfer Tiger Woods und der Fussballer Hakan Yakin auf die vorderen Plätze. Die Verse über den Golfer sind allerdings eher gesungene, schlüpfrige Witze, die hier nicht zitiert werden.

***

Das wärs dört uff em Dubai-Turm, zoberscht uff em Spitz,

e Dänggmool für dr Federer, wiene Göttersitz.

S Problem isch nur dr Wasserdrugg, wo me dört nit het,

well das Dänggmool mänggmool, e bitzli hüüle wett.

(Die Blauäugige)

***

Dr Rodscher duet dr Hakan schelle;

Waisch, ich ha mini Zwilling welle.

Du aber, het dr Rodscher glacht:

Hesch halt e Dobbelfääler gmacht.

(Dr Spitzbueb)

***

Nach em Kopfball duet dr Hakin klaage,

Es haig em wohrschinlig sini letschte Hirnzälle erschlage,

Dr Yakin het Rächt mit däm Befund

Aber sini Spermie, die sinn gsund.

(Doggter FMH)

***

Von den Bänklern mehrmals aufgenommen werden auch die Streitereien im Verwaltungsrat der Schweizer Post und die mögliche Einführung von Nackt-Scannern an den Flughäfen:

Jä, uff dr Boscht,

jä Si, do lauffts jetz wie dr Blitz,

E Brief het nur zää Wuche no

vo Schlitz zue Schlitz

e Pöschtler bruucht

numme no zää Daag fir sy Route

und dr Verwaltigsroot

blyyb gnabb no zää Minute.

(Stroossewischer)

***

Bim Fliege muess jetz sit em Jänner,

au dr Leuebärger duur e Scänner,

Do mäldet die Maschine: Dr Moritz dä darf mit,

bi däm kasch luege wie de wotsch, e Bombe isch das nit.

(Peperoni)

Zum Abschluss noch einige gelungene Verse zu unterschiedlichen Themen:

Dr Bundesroot, d Regierig vo däm Land,

spaziert dur Bärn, in Zwaierraie,

Hand in Hand,

Doo zwängt e glaine Binggis, woos kuum kaa erwarte,

ych wott zum Froläin Doris in dä Kindergarte.

(Paparazzi)

***

D Jasmin Hutter goot schträng nach de SVP-Wärt,

Griegt e Buschi und goot wider haime an Härd,

Gääbs e Grächtigkait uff Ärde,

dr Mörgeli wurd schwanger wärde.

(Dr Spitzbueb)

***

Was het dr Blocher, han i mi gfrogt

In e Land wie Nordkorea gloggt.

Jä, i dängg, es wird em gfalle ha,

dass me deert nit abgwäält wärde kaa.

(Bildsteerig)

***

E UBS-Bängger liggt bi mir uf em Tisch,

Wo scho ganz grien und blau aagloffe isch

I mach e Luftröhre-Schnitt, jä do bini halt gschiggt,

Sunscht wär mir dä Siech an sim Bonus verschtiggt.

(Doggter FMH)

***

Ich has au probiert am Selfcheck-in-Schalter,

s isch gar nit schlächt gange fir my Alter,

kai Probleem, das wär scho glooge,

y bi denn halt im Frachtruum gflooge.

(Pierrot)

***

Dr Obama wurd gärn dr Osama fange

Mir kenne sofort hälfe, s miesst kain me bange,

S het schomoll funktioniert, cest très banal,

Mir laaden-en-y ans Ziircher Filmfeschtival.

(Die Haiggle)

***

D Schoggijohr fir e Tourismus sinn verbyy

Und hit hauen alli uff uns Schwyyzer yy.

Durem dien mir nid haiggel, sin jetz scho froh,

Fir e baar Gescht us Guantanamo.

(Die Haiggle)

***

Au z Ziri isch d Geothermie im e Gäldloch verschwunde,

denn s haisse Wasser im Boode, das het me nit gfunde,

Z Basel hets grumpelt, iber d Zircher kasch nur lache,

well di nid emool kenne e richtigs Ärdbeebe mache.

(Hanslimaa)

***

Ai Fuess druff, ich has probiert,

und mi Woog sch kollabiert,

do sait mir mi Arzt, ich solli,

uff d Elefantewoog im Zolli.

Statt Krankekasse zahl ich, gottlob,

nur no Schwerverkehrs-Abgoob.

(Staubwolgge)

***

Wo dr Papscht am Ranze ligt so zwmitts im Dom,

Hänn mit gsait, s bewegt sich ändlig ebbis in Rom.

Dass dä in d Gnei goot vor de Fraue, duet uns guet.

Mir nämme a, dass är scho gly hyroote duet.

(Die Penetrante)

***

Im Oschte wyss, im Weschte au, verspricht ys d Wätterfee,

Doch nur im Oschte, nit im Weschte hesch Schneefleggli gseh,

«Eb Oscht, eb Wescht», sait doo dr Ospel, «mached doch kai Gschiss,

Bi mir im Oschte isch my Weschte allewyl no wyss»

(Schnaabelwetzer)

(sda/rufi)